Google ADS

PDK: Presim që edhe Vjosa Osmani të votoj për rrëzimin e Qeverisë

12:13 | 19 Tetor 2020
Arbresh.info

Deputeti nga radhët e PDK-së, Gazmend Bytyqi në një konferencë për medie tha se si PDK presin secilin mocion që do të vije në Kuvend.

Ai po ashtu u shpreh se do të votojnë pro rrëzimit të qeverisë po sa mocioni të vije në Kuvend.

“PDK ka qëndrim të qartë rreth rrëzimit të qeverisë, ne presim cilin do mocion që do të vije në Kuvend. Ne do ta votojmë, ashtu siç e kemi votuar mocionin për Qeverinë Kurti dhe të njëjtin veprim do ta bëjmë. Nuk do të jemi pjesë e  ngritjes së mocioneve”, tha Bytyqi.

Përveç deputetëve, ata presin që nënshkrimi për rrëzimin e Qeverisë të jepet edhe nga kryetarja e Kuvendit të Kosovës, Vjosa Osmani.

Kështu u shpreh deputeti tjetër i PDK-së, Sejdi Hoxha.

“Ne po i presim nënshkrimet për rrëzimin e qeverisë në Kuvend, dhe presim që ato nënshkrime t’i jep edhe kryetarja e Kuvendit, Vjosa Osmani, dhe një pjesë e deputetëve që janë të pakënaqur me këtë qeverisje”, tha Hoxha./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm